أنا الحزين المنتهي حتى المنتهى،  بلا طريق ورفيق في ضيق،  يرثي نفسه لأنه ليس له، أحد يهون أو حنين فا اتجنن، فاقد كل شيء صفر توفيق، يختار ألوان ونصيبه سواد، عايش أيامه في حالة حداد، قامت كل الدنيا ومقعدتش، لما سأل ليه مفرحش، مجاوبتش عليه غير احزانه، ما تفرح بيا ولا انا معجبش،  الدهب في أيده تراب، من همه بيضحك ع العذاب، داخل ع الأربعين ولسه حزين، ولا حلم أتحقق يا سنين، لا طفل فرح وشاب مكسبش، كبر ع الفشل من يومه الواد، هو الوحيد اللي كان معاه سداد،  تعب الولد والظاهر إنه كان كبش، بيخزي العين بحق وحقيق، عن ناس تانية زي ما قالوا، كل اللي كان عايزه يلقى البر، عمل خير جزء اترد شر، والباقي عنه متعوضتش، هي الدنيا عمار ولا دمار،  شمس الله تطلع كل نهار،  على الطيبين و ع الأشرار، لما كانت الطيبة اختيار، الله سكت سكت معوضش، ولما عاش بالشر إنهار، للأسف برضه فشل معرفش، معقول تكون النهاية انتحار!  يارب يارب متسمحش   📌 أقوى كلمات أغاني وقصائد أخرى  كلمات لن تجد في مشاعرها إلا على مدونة أغاني: - قصيدة حبيبك مقهور   - أغنية بابا نويل   - أغنية جابت أج...

أنا بطل لكن من ورق  ممكن يتقطع بسهولة يتحرق  والناس تطفي فيه  عشان متزدش ناره  مش علشان اللي فيه  لو حب ياخد بتاره  ياخده من مين و بإيه  بطل ايوة بطل  بس من ورق  اخره هيكون ايه  ممكن عادي ترميه  تشخبط شويا عليه بطل والناس بيه مش حاسه  لا بيكسر ولا بيحارب أشرار  ولا بيرجع الحق للأحرار  بطل في إيه هي دي القصة بطل بيتباع بالدسته  ع الرفوف بيترص رصه  بطل بيعمل حادثة  في طريق فاضي بعز النهار  وشايف نفسه اشطر الشطار  وهو واحد حمار  بس بطل طب بطل هزار  هي والله ما ناقصه بطل بلا فانز ولا جمهور  ولا حد يشجع ولا حد يسقف  الدنيا عماله عليه تسخف فيلمه فشل وحلمه مهجور  بطل نصيبه انه مستور  وستره ان وهو مكسور  محدش عرف لانه محصور  بين أربع حيطان مشرف  لو قال سعيد يبقى بيحرف  لو قال قوي يبقى بيخرف  يبلع ستوب يتقاله وقف  لو حب يكمل في الدور  أنا بطل لكن من ورق  بيطلع همه في كلام يتكتب  في الشعر لا يمكن يتغلب  بس حتى الكلام ممكن يت...

بحبك، وبحب أنا عينيكي  لكن كان نفسي، مشوفش فيهم نفسي  وانا مكسور حبيبك مقهور  من الدنيا ومن الأيام  الكون بيلف ويدور  والسنين عماله تجري، وأنا معاها بجري  وأبص ورايا ألقاني، لسه واقف مكاني  الكل سبق وعداني، يا حبيبتي من بدري  بحبك، وإزاي أليق عليكي  وانتي نجمة مشهورة  وأنا لو كنت بطل، هبقى بطل مغمور بحبك و بمسك بقى ايديكي  زي ما كنت بتمنى، ف الشارع نتمشى  وحبنا يشوف النور  منخفش من المستور وعنينا فِي عيون الناس  واللي يزعل يغور حبك ده شيء خيالي، معشش في خيالي  وإحساسي القوي الكبير، اللي مرمي ف البير زي السر ينكشف، و تتروي منه ويحلالي  بحبك، وبحلم مرة آلقاكي جاية هنا وقايلالي  بحبك يا جدع، حبك ليا منصور بحبك، وامتى ليا يهديكي  ويشاور عليا بالذات، آن الأوان يا ست البنات الحب ده للحضور  قلبك أيوة معذور  ميعرفش إني هنا موجود  ومن غيرك معصور  بينا يجي ألف حاجز، ما بينا مليون حجاب  خايف اقربلك جايز، يصيبك الهم ألوان  وعشان كده حاجز، حبي عنك ورا القضبان  بحبك، ونفسي أكون...

على كوكب زحل، طلعنا كلنا، لقينا اللي في نفسنا، والحياة هناك جميلة، و كل متزحول مننا، عايش هنا، ومن ضمنهم أنا، عرفنا معنى الفضيلة،  شمال يمين احنا المتزحولين، باحلامنا معديين كل الكواكب، ناس مسجونين النتيجة سالب، مش موجودين ناس عقارب، ولا عندنا ناس كده بتحارب، عشان تموت بعضها مبسوطين، مع بعض عايشين، على نفس الكوكب،  ومحدش فينا فيه بيخرب، وعندنا ماية وكهربا، بس محدش بيكهرب، غيره ويتدرب،  برصاص حي يضرب،  في الاخوة مش العدا، عندنا في زحل، إنترنت سريع،  بس محدش بيعمل شجيع، ورا الكيبورد دكر، مفيش حاجة بتضيع، وقالها الجميع، زحل مش للبيع، سامعيني انتوا يا بشر، معندناش بضاعة فاسدة، ولا بنهتم بالمادة، قلوبنا رحيمة مش جامدة، ولا التموين بالنقط، عرفنا معنى الضمير، وعمايل الخير، والمسئول مش كبير، ع الحساب لو غلط، مفيش هنا اصبروا، ولا ترند ولا فولو، ولا في نفسكوا كلوا، ما احنا مش مواشي،  فيه هنا حرية، وعدالة إجتماعية، الكل هنا سواسية،  قانون ع الكل ماشي، مفيش هنا فاسدين، ولا تجار دين، ولا عقار بملايين، وحواري وكمباوند، مفيش هنا ديكتاتور، والباقي ديكور، ولا طبال عايز...

دي قصيدة مش جديدة نفس الحروف نفس الكلام  هو هو الخوف هي هي الآلام  اللي كتبتها في مليون قصيدة ايه النتيجة  غير تغيير التواريخ في النتيجة أنا هنا بكتب وأكتب وانتي  هناك بعيدة أيوة انتي يا بعيدة أنا معنديش أوصاف مفيش  فاضي جوايا إحساس غربة زي كده الدوايا من غير لمبة نازلة من سلك على مفيش  بس بتعيش  لحد ما حد يجي ومقولكيش   يركب لمبة فيها فا تنور  من مفيش  بس الكهربا متجيش ايه هقول وليه ولا بتسمعيه ولا عارفه إنك المقصودة  زي اللي لابس نضارة سوده في عز الليل على عينيه عشان تحميه من نور قمره واللي فيه ما أنا بالنسبة لك ليل حالك  لازم تعديه فا تنامي بدري وتنسيه انتي الخضار وانتي العمار وأنا الصحرا ومكان مهجور ولدعة نحلة وقاتل مأجور أنا في نظرك من الأشرار  وكل الأفكار  اللي بتجيلك بجد مش هزار فا كفاية قصايد ومغنى  وكتابة أشعار واسيب وقت للمرار

كان نفسي أقف لك في الصف، أخبط قلبي يطبل زي الدف،  كان نفسي قلبك عليا يتزف، نمشي مستأنسين مهما خدنا اللف، العين قصاد العين وكف في كف، كان نفسي ونفسي في لمحة شوق،  كان نفسي والنفس أمارة بالسوء، طب القلب طب والناس بتكدب، كان فين العقل والبصيرة ليه ع الرف، كان نفسي تكوني أحلى أغنية، حروفها بترقص وكلها رومانسية،  وكل كلمة فيها من قلبي أصلية،  أغني كلام جديد مغنهوش قبليا، مع لحن يشرح يفرح كل الدنيا ديا، كان نفسي ونفسي أخليكي فوق، كان نفسي ومش بأماني المخلوق،  ترتيب عجيب غريب نتعلق بنصيب،  ملوش ف الأغاني ولا حاجة فيا، كان نفسي السكة تبقى بنا واصلة، حياتي معاكي بعد نقطة وفاصلة، والحب رايح جاي بنا بالمراسلة، لو تنسي ثانية أنا عمري ما أنسى، أي كلمة ونظرة وكل حاجة حاصلة، كان نفسي ونفسي أسكر بيكي ما أفوق، كان نفسي لكن يمنعني الوضوء،  و رضا ربنا ما أنا أمير وانتي كما، الروح الشريرة الساكنه في السحرا،  كان نفسي أوصل لقصرك العالي، وكل واحد فينا قلبه عليه غالي، إديته ليكي فا طلبتي كمان احتلالي،  رحبت بيكي ومبقاش حاجة باقيالي، كان نفسي والقصد كان حلالي، كان ن...

ضمير أبلة حكمت، علينا وفينا ومنا، اللي سجنت واللي دبحت،  واللي عززته في جيلنا، يادوب شويا فيه سحلت، عشان نخلص مصلحة سيبنا مصالحنا،  حتة ورقة على أكتوبر طلعنا،  وفي التجمع اتجمعنا واتختمت، وكل الأوراق اللي فيها جمعنا،  في الأرشيف أتركنت واتعدمت ضمير أبلة حكمت، علينا وفينا سنين، الكل عنده ضمير صغير وكبير،  السؤال هنا مين، اللي يأكد ان عندها ضمير،  سؤال صعب جايزة اجابته ملايين، واللي بيحاول يجاوبه ملايين، فا نقسم الملايين ع الملايين مش كتير، وعشان احنا عندنا مجانين،  اقتصادنا في اقتصادنا... تكبير  ضمير أبلة حكمت،  علينا وفينا و دبح، الحكم كرامتنا كسر فرحتنا، وانسانيتنا الاسفلت بيها اتمسح، الوحيد اللي صان لمتنا،  حكمت الأبلة وضميرها عادي سمح،  مفيش قانون يسري على شبح، يا باشا شبح بقولك عيب في سيرتنا، القانون قانون على بياع السبح،  وعلى نداغ اللبان هكذا تستمر مسيرتنا ضمير أبلة حكمت، علينا وفينا بالحزام، نلبسه وبالحزام نمشي على الردار،  وخلاص كل شيء بقى تمام،  طب الحق والمستحق طب الأسعار، تفهم ايه انت يا حمار بلجام،  ب...

في عيد ميلادك الأول،  اللي بعد فراقك وبعادك، مش فراقنا، أنا وقلبي زي ما أحنا،  انتي اللي بمزاجك فارقتي، برفضك و عنادك،  وقت صدامنا والكلام اللي صدمنا،  وقت انهزامنا قدامك، فا الموضوع يخصك،  والوصف منصف... عقبالك، بعد قصيدة ال 33 في 22  اللي كتبتهالك السنة اللي فاتت،  فاتت عليا في ال 23 اكتب وألف، و ارفس بالكلام عن غضبي منك،  و ب الله أحلف،  ما انا جايب تاني سيرتك،  وعدى اليوم باهت ساكت، زي أي يوم في قربك،  وأي يوم بعيد عنك،  صحيح المرادي عدى عليا،  اليوم ده وبجد نسيت،  و روحت عادي في النوم، بس أول ما صحيت، وقبل ما أفتح لقيت، نفسي ببعتلك رسالة،  وأهني و ادعيلك، كنت خايف من قبلها بكتير، أنسى اليوم وأنسى أبعتلك،  من باب الذوق و الاتيكيت، مكنتش عارف اكتب ايه، فا كانت رسالة كليشيه، بصراحة شديدة، أصل مهما كتبت ولا قولت، واتمنيت وفي الأماني طولت،  ردك برضه هيبقى كليشيه، كالعادة مش جديدة، بس كانت كل كلمة صادقة، وكل حرف أقصد فعلاً بيه، إني عايزك بخير وسعيدة، قصيدة بكتبها ليه، معرفش ولا انتي تعرفي،  ولا عارف...

طريق كله مرايات، بتخايلني وتقولي لو جدع عرفني، و شاور لي فين كانت البدايات، ميز التقاطعات، الإشارات، الوقفات، وركز لي على أماكن الراحات، بشوف نفسي ساعات، جوة المرايات،  بتخض أوام كل دي علامات استفهام، فوق راسي ومش مقاسي،  بس كلها هم ومقاسي، يمكن هي تكون ناسي،  يمكن بتفكرني لأكون ناسي،  حد مهم ولا حاجة من الحاجات، معرفش هي بحور ولا مراسي،  شكلها زي اللي من شبرا فات، قديمه وراح سكن في مراسي، معرفش الأسئلة ممكن تواسي، لأن عمر المواساة ما كانت عكس أو صاحبة المعاناة، ولا عمرها كانت بالاجابات، ولا بالسكات، اللي مستنيها اعتبره واحد تاه، يفضل واقف ولو قدامه فاضية الكراسي، حيران تعبان ربنا يتولاه، بشويا رحمات،  وكام معجزة تهدي قلبه الحماسي، وشويا عقل تخليه يفتح الشماسي،  ويقعد تحتها يفكر في الجايات، بشوف نفسي ساعات، على الحيطان، تدق تدق مرة شاكوش ومرة رق، حسب التوقيت المحلي للمتجنن،  دقة عن وقت المرواح تعلن، علشان يروح واحد حنين، وتقف بعدها عن الدق المعلن،  ويتحرق بقى جوايا الإنسان، تدق مرات كأنها فيا بتلعن، تشتم وتسب الدين كمان، واحد مستني الدفا بالم...

الحب مش حرام،  والقلب اللي يحب ليه كل الإحترام، ومش بأيدينا نحب مين والساعة كام  الحب حب خام،  لا بيعرف عادات ولا دين ولا بكام، لو مش قادرين نفهم نحس كده تمام حبيتك وأعمل ايه، اختلافنا محدش فينا كان ليه يد فيه، فكر يمكن تصيب، ليه كده النصيب  خلاني أنا اسيب،  كل بنات حوا، ويحبك انتي بقوة، تدخلي قلبه جوة، وتملكيه   حبيتك وأعمل ايه، واختلافنا مهمنيش ولا اللي بيقوله عليه، عايزاني أبلغ عني، أروح للقسم أسلمني،  وقدام الكل اتهمني،  والتهمة هي المحبة، لبنت الناس الشابة، اتسرسبت حبة حبة، يا بيه  حبيتك وأعمل ايه، اختلافنا اهالينا ديننا طب واللي ما بنا،  برضه قدرنا تحترميه، بس انتي بترفضيه،  مبتشغليش بالك بيه، سايبة لي الحزن،  وبتدي بعينيكي الإذن، يلعب بيا الظن، يشقيه  

قلب غير مرغوب فيه، اه يا قلبي  من الدنيا من الناس، أهو قلب وخلاص، مالناش دعوة بيه، ليه نشغل بالنا ليه، قلب غير مرغوب فيه، انت يا قلبي اللي زرعتهم ورد هنا في أرض،  روحي و عمري،  عملت من دمي شربات وماية ورد،  يشربوها وتروي،  حرثت روحي عشان كانت جروحي هتسد،  طريقهم لحلمي، قيدت قمري طول الليالي لعينهم بجد، ويشوفوا أمري،  وفضلت قلب غير مرغوب فيه من حد، ولا قدروا تعبي، أنا المهاجر وسط حيطاني، كل يوم  والضيف وسط مكان مكاني، معلوم  والغريب بين العيون عرفاني، مهموم  أنا اللي الدنيا حطاني، في البحر بعوم  ليه مش بمشي وسط الناس معرفشي  بعوم ليه ولفين وازاي أخد نفسي مغرقشي  مقالتشي ولا مجاوباني، برد مفهوم  قلب غير مرغوب فيه ولو بشكل مجاني،  أو نصره للمظلوم  قلب غير مرغوب فيه، بشكل عام  لا غربان ولا حمام، صانوا عشرة أيام،  الكل شبع من خير بيديه، ولا حد أعترف بيه، خدهم خام، وسابوه لما بقى لهم مقام  كل دول طلعوا على سلمي، وياما دبوا اللي كبر واللي علي علي، بعد ما شبوا في وقتها كان قلبي حلي، وبعدها سبوا اللي ع...

يا دنيا يا قاسية، يا مملكة المواجع، وملكة الخدع،  ايه بس الموضوع  مش سايبه ولا ناصية، ولا أي شارع، إلا وفيه جدع  بسببك موجوع أنا إنسان أمرك شواه، مقطوف ثمره والداء بقى دواه، مخطوف عمره وبسكة الفرح تاه، الوف شافوه والجرح بس لقاه،  شغوف بالبكا ما هو اللي احتواه،  انسان ازاي والألم اللي ضد طبيعته  اداه وقته وهو اللي نجاه، الدنيا قاسية أوي يا أمي،  بتجيني تعريني وتشوف أحوالي،  تفضح البفتة البيضا في شمالي، تلمح اليافطة العريضة في حالي، تنزع عضمي من لحمي، وتصفي نيلي من دمي، وتقولي يا ويلي من اللي هيجرالي، أنا سلطان بلا جاه، مسحوب الإرادة وضعه زي الشاه،  المنسوب كالعادة للحزن مزوداه، مشطوب اسمه من الفرحة لو جياه، مغلوب أمره ملعون قمره بسماه، سلطان ازاي وشعبي اللي معايا ضدي وانتي انتي عليا مقوياه، الدنيا قاسية خابر يا خال، وهكابر ليه ما هي الدنيا قاصده، معرفش ليه صداني حته صدة، وأحلم ليه تاني ما الحلم صدا، هو الدهب بيصدي يا خال، ولا ده سوء حظ وفال،  وحلمي الفوق لازم له واسطة

قصيدة الغراب  انا الغراب العراب، وش الخراب،  اللي معشش في كيانك، وملوش محل من الإعراب،  انتي الحكومة وأنا إضراب، انتي الوطنية وأنا الانقلاب، الغلط فيا وانتي على صواب، شيفاني خطية ومشاعرك حجاب،  ازاي أكون حارسك وخوانك، إزاي هنكون اتنين أحباب، من امتى الدومة، بعد اكلها بيفضل ليها صحاب، بتتشاط مهمومة بهم الطلاب، قرف الدراسة ونرفزة أستاذ، حصة علوم وفيزيا وحساب، انا حزن سنين الشباب، وانتي فرحة حصة الالعاب، ورحلات الجامعة وكل ما لذ وطاب،  فا ازاي ممكن افكر يتقفل علينا باب، شايفك ديني و إيماني، رفضاني بإيمانك،  وبتستغفري بعد رد السلام اللي حياني،  زي العاصي و عن ذنوبه تاب، ازاي أكون حارسك وخوانك، إزاي هنكون اتنين أحباب، أنا الغراب الهراب، ملك الإنسحاب، من كل قصصك وحكاياتك، كده وبدون ذكر أي أسباب،  مع اني مهتم وبهمك متصاب، انتي الضحكة وأنا الاكتئاب،  انتي الكاش وانا الاكتتاب،  حبيب بكاش والصدق غاب، كتباني بالرصاص بمذكراتك، وكلام رصاص فيا يغتاب، وقبلت ألف لوم، وكنت عادي بالأيام بتساب، حزين مهموم نار وعذاب،  شوقي حموم حنيني مسموم،  أحساس...

قصيدة في الديوان كل الشعراء قالوا حكاويهم في الف ديوان  وصفوا ذكرياتهم من البداية لحد الناهيا معرفش ليه كلها كانت في حي الزمالك، اللي على الكوبري واللي عند الساقية، واللي قدام الشجرة القديمة على الناصية، ولسه المقابلات مستمرة ولسه الحكايات باقية، وأنا برضه شاعر بس معرفش غير الزمالك الكيان  اشمعنا يعني أنا كل اللي فيا من حكاوي  عنك تجاهك عبارة عن كلمتين إزيك ومالك، بقولها بكتبها وبغنيها لوحدي على القهاوي، ماهو مفيش مكان قدر يجمعنا ولا ناوي، والله حاولت وكنت غاوي بس انتي مش غاوية، في الديوان لأ مش بتاع الشعر ده عنوان  فعلاً حقيقي مش بقول سيم بينك وبيني  ده احنا كل اللي بنا ج جواب س سؤالك، والإجابة إن الديوان دي قهوة في اللبيني، ياما شوفتك فيها قاعده قدامي وبتحبيني، ما انتي في خيالي عاشقة حية عايشة، في الديوان بتجيني بتقابليني في الاوان تشربي ايه كل حاجة هنا جاهزة وحاضره معلش أنا مش بتاع كافيهات اللي في بالك،  هطلب قهوة على الريحة كالعادة ما انتي عارفة،  تشربي سحلب ام علي أطلبي أمري ما انتي مش دافعة،  الليل بنا طويل وانتي بتحتاجي حاجة دافية، تشربي اي...

قصيدة اجرسف اجرسف آه اجرسف، وبدون ذرة تأنيب ضمير ولا حتى أسف،  عايز تدوسي عليا، تكسري عينيا،  تموتي الحلو اللي فيا، بالأذية بالقسية، ومشاعري تتساوى بالاسفلت وتترصف،  ومش عايزاني اجرسف... طب خلي قلبي يتكسف اجرسف اه اجرسف، وفيها ايه اجرسف ايوة ومش مع الأسف، بتهاجمي وسيلة للدفاع، للاقناع، متميزة بالاندفاع، بزيادة الأوجاع، وقلبي لسابع أرض بيه اتخسف، اتفشخ أضرب اتقصف... ببرودك يا لوح تلج اتنسف اجرسف و مية اجرسف، بتعصبك كلمة اجرسف طب أنا اجرسف اجرسف، يا قلب عملت له قيمة، نجم سيما، انضرب بالقديمة، واستاهل الشتيمة، والله استحق بالعبيط اتوصف، مش بكلمة اجرسف... وقلبي زي القلم يتبري يتقصف تتعزف ولحناها اجرسف، خلاص ياستي بقى ما الكل خلاص عرف، طب مرة جددي، ولا بتحبي تعددي، اسكتي بدل ما تودودي، قبل ما تتأكدي، مش بتفهمي مخك زي فازة من الخزف،  بس قلبك مني قرف...  ما أنا واحد يا عيني اجرسف

قصيدة متعرفيش الأدب  متعرفيش الأدب، انتي واحدة متعرفيش الأدب،  والله واحدة متعرفش الأدب، وملكيش فيه، لا انتي ولا أهلك ولا أصحابك، ولا حتى اللي هتحبيه، متعرفيش الأدب ولا ينفع عليكي العتب،  ما ده اللي اتربيتي عليه  ماهو اللي اتكتب ليكي انكتب، علشان انتي تقريه، يا ست هانم يا ست الحسن، امال أنا بكتب ليه، معرفش ان الشعر بيركب نجوم ورتب حبك شاعر واسمك كان الخبر... والمبتدأ، الفاعل والمفعول واللي بدأ قلمه يكتب بيه، كلامه وحش... جامليه، كلامه حلو... ألبسيه،  راضي تلفيه خلخال، تعمليه سلسلة على رقبة الغزال،  حتى دبوس يتشبك بالشال، تعامليه معاملة المال، لا لبستيه ولا حتى خبتيه، الكلام كان دهب وحق الدهب تصونيه تحميه،  بس لقطاع القلوب سيبتيه، كشفتيه لشمس الخيال، وخليتي العيال تلعب فيه، مركب غرق وسط الصخب، طيارات ورق بالهوا ترميه، وانتي عملتي ايه، ولا حاجة ولا حالة تستحق العجب، ما انتي السبب، متعرفيش الأدب، لا قيمته ولا سعره ولا حجم التعب، ولا الشقى في الكتب، متعرفيش ريحة الأدب،  ولا عمرك كان ليكي فيه، وأنا قلبي عمره ما كدب مؤدبة بس مفيش حد علمك الأدب، مغيبة بس...

قصيدة ال 33 في 22  بكتبلك اليوم، بتاريخ 3 مارس، عمرك ما هتقري، ولا حتى الفهارس، بغنيلك مهموم، ومحدش حاسس، ما أنا مهزوم، قدامك مكنتش فارس، ولا مستني، بيوم معايا تغني، قلبي عايز، يشوفك جنبي ولو هلاوس، لو هي بالتمني، زماني واخدك بحضني،  خمس ست سنين جوايا حابس،  كلام لو بيوم، قولته هتجري، ال 33  في 22  الناس نايمة وعنيكي نايمين، الشوارع فاضيه ومشاعرك هادية  واحساسي بين نارين، أخرجي وقت صلاة الفجر  هتلاقي بدر، عليه ندر نوره ف الحجر،  حالف ما ينور ولا على نفسه يدور،  إلا لو طلبتي منه وانتي راضية،  بحبك حبين بحبك مرتين، مرة حبيبتي ومرة بنتي، ومرة احتياطي  علشان الاتنين التانيين مش نافعين، بكتبلك هنا، ما الورق بيحتويني، أكتر منك، ما هو منك بتخوفيني، بغني أنا، ولا يمكن تسمعيني،  بسري الغنا، مش هتعرفي تلوميني،  مش منك، وكل حواديتي عنك،  والكلام بنى، حواجز بينك وبيني،  بتكلم مع نفسك، شفك حفظك صمك  شايفك الهنا، وبصورتك بتلاحقيني،  ومبسوطة عيني، ومش أسف على حبك عيد ميلادك ال 33 في سنة  22 أيوة بعد سنين، سنين عم...

قصيدة  ملعون  ملعون حبي ده ملعون، مجنون قلبي وملعون، اللي خلاكي تبيعي وتشتري فيا، ألف مرة وكام مليون، لا مضطره ولا مرة تحسي بيا، انتي بمكانك وانا بلف الكون،  أهتمامك بيا شيء افتراضي، اهتمامي يقل ترفع قواضي، قلبك فاضي بيت مسكون احاول احل وانتي تعادي،  انتي المنافس وانتي القاضي،  وقلبي عندك مرهون  حبي نار والجحيم فؤادي،  انا والشوق بحبس انفرادي،  ما أنا لعقلي فعلاً مديون واحدة الزنزانة واحد اذانا، كنت سد خانة وخنتي الأمانة، حضنك سجن فيه مسجون روحت سكة مفيهاش رجوع،  وانتي ساكه باب الموضوع، وبرضه ماسكة في الزبون دقه قديمة ملكيش قيمة،  تمثيل وسيما وفيلم اللئيمة،  وبريئة كده مع الاخرون جوايا غضب بدل الحطب،  يتدفوا بيه كل العرب،  يمكن يقدر يسدد ديون اديكي دفا تديني برودك، ليكي الغنا تردي بارودك، تهدي فوقي كل الحصون ملعون الحب ده بلعنة، من أيام أجدادنا الفراعنة،  محكوم عليه يفضل مدفون تفضلي ساكتة تستني نكتة، واحد لقطة اجيبله نقطة، لأ واللقطة عايزاني ممنون تحاسبني على شرودي و الايموجي، لو دلعتها وقولت أنوجي، ولو مدلعتش متغير ب...

قصيدة  حكمت وبينا سور داير مايدور،  ولو الحب نور ونهار، والشوق جوانا انهار،  ومهما حاولنا نلف وندور، وعلى ظروفنا نثور،  صعب السور ما بينا ينهار، والدنيا علينا حكمت  نبقى جنب بعض، وكل واحد في ناحية، مشاعرنا سوا اتدفنت  في نفس الارض، بس الصلاة مش واحدة، والعيون على روحنا صاحية، وعيون الفرحة عنا قفلت بالارض البور نزرع بذور،  محبة وشوق وحياة،  يرويها كل واحد باللي جواه، وأعملك قلبي عصفور، يطير عندك يطمن ويزور،  ده بسكتك عمره ما تاه، عارفة شعور لما قلبك يشور، عليكي تهدي بايديكي السور، ظروفنا دي زي الطوب، ومجتمعنا عمره ما يتوب، على مر كل العصور، يشوف الحب زي الذنوب، طريق العبور غرقان بالبحور،  وخايف تكوني من الجمهور،  الشك بيصيبني أوقات، لسه عندنا نفس الاهتمامات، ولا مليتي السنين والشهور،  وبالافلام بس حلوة النهايات، أصلك مش عارفة يا بدر البدور،  أنا مش هامل من انتظار دور، البطولة في قصتي ده الاساس، حبك انتي جوايا زي البخور،  لازم يتحرق عشان تشمه الناس، ما أتحرق يمكن بناري يتهد السور، 

في جنينه بيتنا، زرعت الورد ست حتتنا، وقالتلي يوم الفرح، تلقاه كبر وطرح،  قربت أنا وانت ساعتنا، مكنتش فاهم المعنى، ويوم الحلم جمعنا،  الورد جماله وضح،  فاحت ريحته وشرح، كل حاجة وسمعته غنى،  ليلة ما ان الأوان، شاهد عليها الخشب زان،  ليلة ما أقدر أنسى، فيها كل همسة ولمسة، ليلة ما القمر في دارنا بان،  والاحساس اللي حسناه، وأسم ابننا سمناه،  الورد قال اتمسى،  قولت بدري لسه، خدت من ايدها وسميت بالله، قامت الجميلة للمرايا، قالتلها حلاوتك كفاية،  ده الجمال اذواق،  وانتي محتاجه زواق، اختارك الزين لأنك آية،  يا عالية زي النخل، قربك خطر خلية نحل،  وازاي يبقى قمرك، يطرح بدالك تمرك،  والصعب في عينيكي سهل، ولما النور انطفى، بنورها الظلام اختفى، زاد الجمال الجروح، قالت دلوقتي يروح، خد ده هو فيه الشفا، وبصت لي بصة تضوي، لمستني لمسة تقوي، لقتني بسرعة بتجرأ، وقولت منين أنا أبدأ، أعمل ايه وايه أسوي لفت لي وندهت عليا، والندهة كانت من جنية،  قربت مني حبة، سقتني شهد الأحبة،  والطعم كان جديد عليا، فطير معمول في البيوت، قطمة تفاح وقطمة ...