يا نصير الغلابة، وكل واحد مشتاق، يا أبو مشاعر كدابة، واحساس لوحده متساق، الكل عليك في سباق،  أبو القلب احمر، وحلو اهو وصل، أبو قلب يتحمل، ومرمل زي العسل، و على الدواق الحب زي البطيخة زي ما قالوا، وانت بطيختك قرعه وقولنا وماله، لكن تقف ف السوق  و ده يخبط و ده يدوق والله عينك فارغة ومعندكش ذوق، يبقى خلاص كل واحد في حاله،  مش بيرد شاري،  اصله حنين حبتين، والعرض كده ساري، يا حبايب لمدة سنتين، يلا مين شاري مين، أبو القلب احمر، وحلو أهو وصل،  أبو قلب يتحمل،ومرمل زي العسل، و على السكين 

مش محتاجه لسؤال وجواب، ودبرني يا وزير وتحس بالتقصير،  وانت اللي اتجرح يا مسكين، وانت اللي عايش في عذاب،  تقدر تقول مكشوف عني الحجاب، لو اتسابت وانت اللي اتمسكت  هتفضل تملي تتساب وتتساب  مش محتاج أفهم في علم الغيب،  لو روحت وفي العتاب بدأت  هتطلع غلطان وعليك حساب هات من الأول كده الكتاب، مفيهوش غير صفحتين بالكتير، فيهم كام فرح وممسوحين، بلاش تفتح له تاني الباب، 

افتح يا سمسم، ده النبي تبسم، واقف هنا بخبط كده على باب قلبك  بقالي شويا  افتح يا سمسم، بخطط وبرسم،  يمكن بقى أفلح مرة واسمع بحبك  ترن حواليا وأنا أعمل ايه، ده جمال 3d وفرحتي بيه والله يا ناس غالية غالية  هتعمل ايه قلبي واللي فيه  قولت عليه واقوله لو تحب مرة تانية يمكن يا قمر ترضى عليا  افتح يا سمسم، افتح ونقسم، يا صاحب الكنز ده كل الحظ ايوة مستنيك  تفتح ليا  الهنا اتقسم، يا قمر مجسم، في وسطنا أهو منور لنا أهون عليك  تسيبني لوحديا 

على كوكب زحل، طلعنا كلنا، لقينا اللي في نفسنا، والحياة هناك جميلة، و كل متزحول مننا، عايش هنا، ومن ضمنهم أنا، عرفنا معنى الفضيلة،  شمال يمين احنا المتزحولين، باحلامنا معديين كل الكواكب، ناس مسجونين النتيجة سالب، مش موجودين ناس عقارب، ولا عندنا ناس كده بتحارب، عشان تموت بعضها مبسوطين، مع بعض عايشين، على نفس الكوكب،  ومحدش فينا فيه بيخرب، وعندنا ماية وكهربا، بس محدش بيكهرب، غيره ويتدرب،  برصاص حي يضرب،  في الاخوة مش العدا، عندنا في زحل، إنترنت سريع،  بس محدش بيعمل شجيع، ورا الكيبورد دكر، مفيش حاجة بتضيع، وقالها الجميع، زحل مش للبيع، سامعيني انتوا يا بشر، معندناش بضاعة فاسدة، ولا بنهتم بالمادة، قلوبنا رحيمة مش جامدة، ولا التموين بالنقط، عرفنا معنى الضمير، وعمايل الخير، والمسئول مش كبير، ع الحساب لو غلط، مفيش هنا اصبروا، ولا ترند ولا فولو، ولا في نفسكوا كلوا، ما احنا مش مواشي،  فيه هنا حرية، وعدالة إجتماعية، الكل هنا سواسية،  قانون ع الكل ماشي، مفيش هنا فاسدين، ولا تجار دين، ولا عقار بملايين، وحواري وكمباوند، مفيش هنا ديكتاتور، والباقي ديكور، ولا طبال عايز...

أنا يهمني أمرك، طب ليه ومن مين تخافي،  فوق كتافي أنا شايل همك،  طب فاكره حزنك، مش حولته ليكي فرح صافي، طب ليه ومن مين تخافي،  أنا يهمني أمرك، وأمرك أهو نافذ،  ضحكتك ليا حافز، لسه برضه خايفه، و قلقك بنا حاجز، بصي لقمرك شايفه، بيشاور ع اللي حبك، بيقولك أكيد مش جايز أنا يهمني أمرك، وعمرك معايا تتهزي، ولا تحتاجي تتعزي،  أنا هنا موجود، عمرك ما تتأذي، قلبك عليا مسنود،  صاين تملي سرك، بقولك أبدا مش هتتهزمي 

أنا لو حبيت أحب الحب  يكون دافي  انا لو حبيت احب القلب  يبقى صافي  محبش الجنون لكن لو لازم يكون  أحبه إضافي  عشق هادي رتمه بطيء، يبقى لي الطريقة والطريق،  نسهر عادي نبقى بنفس الوادي،  يبقى حبيب يبقى صديق، يبقى ف الحالتين كافي  غرام على قدي حلمه بسيط، يبقى لي الغنى والصيت،  حب مهدي بس ميكونش مادي، يبقى عيني يعمر بيت،  يبقى من العيب هو شافي 

الكل ف الكل، نازل تجريح  والكل من الكل، اشتكى  ايوة ده بصحيح، وهنعمل ايه صحيح، الكل مع الكل، أهو بكى  مين عنده حل، نصيحة أو تصريح، ليه بقى الكل، عامل فيها المسيح، كلنا في رواياتهم سيئين،  وخلاص هنعمل ايه بقى،  بنكون بس فعلاً طيبين،  لو حد عن نفسه حكى،  كلنا متخانين كلنا مظلومين، اظهر وبان عليك الأمان،  يا ظالم وهنعمل متفاجئين، قولنا مين فينا الغلبان، كل حكاوينا دي معجزات، عملنا وسوينا فين ولمين، نحكي عننا منقولش الغلطات، يتحكي عننا نطلع شياطين،

تاخد أكشن، وتبيع وتهجر، وتفضل تتكلم، عليا اكتر، وتفضل تتكلم، والموضوع يكبر، وتبقى اتنشن، وبتفضل أصلا، عليا بتتريق، ف القعدات إياها، والكل يعلق  وفي كل رواية، تطلعني السيء،  أسكت أحسن، وبعد اللي جرى، وفي فروتي تقطع،  والكلام اللي اتهرى، جاي ليا تسمع، عايز ابقى مقنع، عندك إستعداد، تاني لفرص جداد، إزاي يجي عتاب، بعد قفل الأبواب، أهو ده اللي جابنا ورا  حاجة تحزن، عشره عمر، وأيام طويلة، كان فيها مر،  وحاجات جميلة، تهون وتمر، بسرعة جداً، وتنساها فعلاً 

فاكر نفسه صغير، يظهر السكينة سرقاه عايز وقت يفكر، يظهر الأيام هستناه، والله مش بعايره، ولا أقدر أقلل منه، ده عداد العمر بيجري، ويسرق المستقبل، وأنا عمال أحايله، ما أنا سني من سنه، وفيه شباب جنبي، بينادوني يا انكل والله مش بستعجله، بس خد وقت طويل، يرضيك انت طيب، نفضل كده بعيد، عايز رد وبيأجله، ويقولي الخير ف التأجيل،  بص شكلي طيب، بان فيه التجاعيد

الجميل اللي جماله خطير،  دي ضحكة منه تودي الواحد للفضاء  يتمشى ويعدي وسط العيون نجوم  عرفت الفرح منك  عرفته هنا في قربك  ده الكلام بيرقص وكل الناس بتتجمع  تتفرج عليه وهو بيتقالك  ده القلب بيتشمس  بياخد تان ويدلع  طول ما هو هنا جنبك فاضلي تكة ويخليني أطير،  جامد أوي ومعدي هو أي استفتاء ويكسب كل تحدي من غير مايقوم  كلمة مليون بحبك  مش مقامك ولا قدك

ده أنا قلبي كان عامل زي النيل، تلقاه في أسوان أبيض وجميل، يوصل القاهرة تحسه في مأتم،  أسود من عمايلكم عايز يسب ويشتم،  عملت لنفسي نضارة شمس اسود معتم، معاها مأنتم بلبسها حتى في الليل،  مش عايز أشوف منكم لا هنا ولا ويل،  أنا مش هنا و ده خلاص السيستم، دي العتمه نور ولو قتمه والعمى نعمة، وصحة لو البصر لسه بيشوفكم دليل، مش سامع صياحكم سمعي تقيل، على نهاركم ياريت بقى نكتم، أنا معزول مفصول، عن كل الدنيا والناس،  يعني تقدر تقول،  معدوم الإحساس، والفكر مشلول، والقلب مقتول، إتعلمت مهما أعمل كله بلح، جبل الخير للغير عمره ما فلح،  عمايل الملايكة للملايكة ودمتم، ما اللي اشترى عزوة سابوه متيتم، لو شبه الناس بالناس تقدر تتقدم،  بس تتندم لو قلبك يوم سمح، تعمل زيهم وتبقى منهم لو الحب لمح،  اسمك مكتوب بالرصاص عليه يختم،  ويقول مرفوض إنسان مفروض يبقى ودود، وهو للأسف الشر من جواه طفح، حبه تمثيل إخلاصه فعلاً شبح، عايز أقولكم كلكم بعدكم متحتم