كلمات قصيدة بطل من ورق

أنا بطل لكن من ورق 
ممكن يتقطع بسهولة يتحرق 
والناس تطفي فيه 
عشان متزدش ناره 
مش علشان اللي فيه 
لو حب ياخد بتاره 
ياخده من مين و بإيه 
بطل ايوة بطل 
بس من ورق 
اخره هيكون ايه 
ممكن عادي ترميه 
تشخبط شويا عليه

بطل والناس بيه مش حاسه 
لا بيكسر ولا بيحارب أشرار 
ولا بيرجع الحق للأحرار 
بطل في إيه هي دي القصة
بطل بيتباع بالدسته 
ع الرفوف بيترص رصه 
بطل بيعمل حادثة 
في طريق فاضي بعز النهار 
وشايف نفسه اشطر الشطار 
وهو واحد حمار 
بس بطل طب بطل هزار 
هي والله ما ناقصه

بطل بلا فانز ولا جمهور 
ولا حد يشجع ولا حد يسقف 
الدنيا عماله عليه تسخف
فيلمه فشل وحلمه مهجور 
بطل نصيبه انه مستور 
وستره ان وهو مكسور 
محدش عرف لانه محصور 
بين أربع حيطان مشرف 
لو قال سعيد يبقى بيحرف 
لو قال قوي يبقى بيخرف 
يبلع ستوب يتقاله وقف 
لو حب يكمل في الدور 

أنا بطل لكن من ورق 
بيطلع همه في كلام يتكتب 
في الشعر لا يمكن يتغلب 
بس حتى الكلام ممكن يتسرق
ومهما حس انه خلاص غرق 
يفضل يكتب لحد ما قلمه عرق 
وكأن كلامه القديم كان فرق 
وكأن العالم مستني الكتب 
بتاعته و أنهار من الإنتظار والتعب
وهو عمره من اللي كتبه كسب 
بس بيتبسط ويحس بانتصار عذب 
عشان بيبقى بطل ع الورق

📌 الأعلى مشاهدة على مدونة Aghanei 

كلمات أصلية على المدونة:

- أغنية مخبيش عليك 

- غنيوة الوحيد اللي يستاهل 

- أغنية سيبني في حالي 

- أغنية 24 قيراط 

© جميع الحقوق محفوظة 2026 – كلمات: مايكل عزمي. يمنع نسخ أو إعادة نشر أو استخدام هذه الكلمات كليًا أو جزئيًا دون إذن كتابي مسبق

التصنيفات:

أغاني، أغنية، كلمات اغنية، كلمات، كلمات اغاني، قصائد، قصيدة، قصيدة بالعامية المصرية، شعر، خيبة الأمل، حزن، شجن، وجع. 

Lyrics، Arabic Lyrics