قصيدة حبيبك مقهور
بحبك، وبحب أنا عينيكي
لكن كان نفسي، مشوفش فيهم نفسي
وانا مكسور
حبيبك مقهور
من الدنيا ومن الأيام
الكون بيلف ويدور
والسنين عماله تجري، وأنا معاها بجري
وأبص ورايا ألقاني، لسه واقف مكاني
الكل سبق وعداني، يا حبيبتي من بدري
بحبك، وإزاي أليق عليكي
وانتي نجمة مشهورة
وأنا لو كنت بطل، هبقى بطل مغمور
بحبك و بمسك بقى ايديكي
زي ما كنت بتمنى، ف الشارع نتمشى
وحبنا يشوف النور
منخفش من المستور
وعنينا فِي عيون الناس
واللي يزعل يغور
حبك ده شيء خيالي، معشش في خيالي
وإحساسي القوي الكبير، اللي مرمي ف البير
زي السر ينكشف، و تتروي منه ويحلالي
بحبك، وبحلم مرة آلقاكي
جاية هنا وقايلالي
بحبك يا جدع، حبك ليا منصور
بحبك، وامتى ليا يهديكي
ويشاور عليا بالذات، آن الأوان يا ست البنات
الحب ده للحضور
قلبك أيوة معذور
ميعرفش إني هنا موجود
ومن غيرك معصور
بينا يجي ألف حاجز، ما بينا مليون حجاب
خايف اقربلك جايز، يصيبك الهم ألوان
وعشان كده حاجز، حبي عنك ورا القضبان
بحبك، ونفسي أكون معاكي
بس أنا قلبي جلاب
الحزن ف العيون، وقتل كل السرور
بحبك، ويحرم عليا ألقاكي
أو حتى أفضل جنبك، و أنطق بحنية إسمك
ويحرم عليا ظهور
شوقي ليكى ولا يزور
قصرك العاج ويقول محتاج
تفتحي السكة للعبور
وإزاي انتي يا حبيبتي، تحبي واحد خايب،
ميعرفش غير المصايب، والفشل الخام البيور،
تستاهلي الخير كله، ومن الهنا تاخدي نايب،
بحبك، وكل حاجة فيكي
تستاهل قلب تايب
عن الإهمال والبرود، حتى لو سنة غرور
بحبك، وعايش ليكي
كل أحلامي ظالمة، والدنيا في عيني ضلمة
ميت بس الشعور
حي بيكي و بيثور
ع الظروف ع الخوف
و بيهد سور ورا سور
انتي أمله الوحيد، يرجع كده من جديد
و ميموتش وحيد، وما باليد حيلة
ولو المحاولة مستحيلة، هيفضل يحاول أكيد
بحبك، و يا حبيبتي مستنيكي
أشوفك راجعه من بعيد
تقيدي ليا الشمس، حواليا تطير الطيور
📌 أعمال أخرى قد تنال إعجابك:
إذا أحببت كلمات هذة الأغنية، ندعوك لاستكشاف هذه الأعمال الإبداعية الأخرى على المدونة:
- أغنية مستشفى العباسية
- أغنية قدرات خاصة
- أغنية ممسوح بيا الأرض
- أغنية انطق ياض
- أغنية متفتت
📚 محبي الروايات والغموض النفسي:
لرحلة مليئة بالإثارة والتشويق، اخترنا لك هذه الروايات:
© جميع الحقوق محفوظة 2026 – كلمات: مايكل عزمي. يمنع نسخ أو إعادة نشر أو استخدام هذه الكلمات كليًا أو جزئيًا دون إذن كتابي مسبق.
التصنيفات:
أغاني، أغنية، كلمات اغنية، كلمات، كلمات اغاني، أغنية حزينة، كلمات أغاني كاملة، أغاني جديدة، أغنية أصلية، وجع، ألم، فراق، حزن، أمل
تعليقات
إرسال تعليق