اللعبة اتغيرت والحالة من حالة اتبدلت، عفاريت بقالها زمن جوايا، بشوفهم بس في المرايا، يأذوني وأذيهم، حابسهم بس براعيهم، على ايدي اتشكلت، كبرت وعليا اتكبرت، مبقتش مناسب ليهم، فجأة بلاقيهم، دلوقتي الناس بتشوفهم معايا، نزلوا معاهم واتصورت هذا المجنون برعاية، الزمن والغربه جوه المدن،  وطفولة قاسية ولعبة بايظة، وناس بتنسى حلاوة القصة، ومين حضن ومين لسه، ومين قال حلو عليه كده وقام فايت هذا المجنون برعاية،  هوايا مكبوته واحلام مشروطه،  وطموح قاتل وسمعة فاشل، ناس بتاكل هم ومشاكل، وعامله مبسوطه مين القائل،  بكرة أحلى ياريته كده فضل ساكت  هذا المجنون برعاية،  الذم وقت الترند تهتم،  كلامكم انتوا وخيبة احلامكم، وسواد أيامكم وكل نكاتكوا، وتقل الدم عن مستقبلكم،  وكل إعلان وفيلم وإعلام تملي هابط

ربنا يحفظنا من كل واحد حافظنا، و ينجينا من ناس اديناهم عينينا، حبينا وحفظنا سرهم جوة خزنة،  اتارينا في حضن الأسد اترمينا، عايز تعيش من غير مشاكل، عايز طيبة يبقى تتاكل، الحياة لو صاحبها الحسد، والحب الواصي عليه عاقل، والخير لو اتعد لو اترصد، تلقى كل شيء حلو فسد، كانت عين افتكرناها بجد معين، كده لينا ع الدنيا وولاد اللذين، كانوا عينين سكناهم وقفلوا سنين،  علينا ومن أصحابها إحنا اتأذينا،

نورت انت والله انت والله نورت،  حياتي أحلوت أول ما شرفت، ما انت إنسان مش عادي، وسوبر قليله حتى، انت والله أقله سوبر واو وصل أهو والحفلة هتبدأ ناو، داخل علينا قمر في عينينا،  وشمس طالعه في نفس الوقت،  اللي غيران ومش بيحبه زينا، يتفضل يقوم كده لو سمحت  طيب نطلب الكاكاو، بتحبه ما أنا حفظت، عقبال ما تكون كده وصلت،  بعينيا ممكن اهادي، وبرضه من قلبي حته، أطلب اؤمر تلاقيني جهزت،

واحدة قهوة ع الريحة، بماية ساقعة من فضلك، جوة مصر في شوارع وسط البلد،  لسه بيلفوا السريحه، و ينادوا أقرا الفضيحة اقرا الفضيحة، شوف كده يا استاذ حظك، دي أبراج فلك ليها علم وليها سند،  وبنات قدام التسريحة،  بتقوله والله يا بختك، كون نفسك براحتك،  هبقى معاك صريحة، مش مهم الشقة تبقى مريحة،  بس لو كانت في الأبراج إياها تبقى ولد  ناس مقسومه نصين، حبه شمال حبة يمين كله ألسطه ع الانستا، كل الفلاتر شغالين وحبة لايصه ف البوسطة، ولا طابور التموين  وحبة هنا فاشونستا، والباقي مش عايزين واحد موكا فرابتشينو،  ضيف عليه بستاشيو،  ايجيبت اللي جاي منها بيعود، والحال والله مش فاهمينه،  عربي في فينو ولوي اللسان وسنينه، واحد مستر والتاني بلياتشو، كله بيعدي بالبار كود ولازم الدريس كود، والسوشيال سوق فرشينه،  بصور فل ميكاب ع البلاجيو، وأهو كل واحد وقرشه،  مين يقدر يدينه، محدش ما احنا مش شايفينه، محبوسين ف الأسانسير والحارس مش موجود

كان عليك حاجات والله تشيب تجنن، نبقى مبسوطين وفجأة علينا تعكنن، نبقى خارجين وهوب تقولي روحني، طب فهميني طب أشرح لي، يرد ده نظامي ويقفش جداً، يلا نمشي أتفضل حاسب، اللي عايزه عايزه يحضر وقتي، فاكرني سوبر مان، وأنا غلبان  عادي أوي عادي انسان،  إزاي و إزاى متمسكش اكتر و أحارب  يطلب حاجة ويغير رأيه وقتي، أرحم احنا بني أدمين، مش ماشين تعبان زعلان قولت كلمتين، إزاي و إزاي لأ ده انا لازم اتعاقب،

أنا في نفسي مش هشكر، ولا هقول كلام ولا هكتر، قولت هتبعد وبعدت فعلاً، خليك مكانك خليك متجنن،  بموقفك ده هستشهد، رجوعك ليا في عينيا،  خلاني كده أشوفك أصغر، رجوعك ده مشهد، سينمائي والله استثنائي،  دلوقتي بقى عليا سكر حافظك جدد يمكن تقنعني،  احلويت ولا إيه قول سمعني، الناس بالأسف ايوة بتكبر، وأسفك تمثيل مش أكتر،

دايب في الحب عاشق عشق، حتى ولو مادقش ولا مرة قلبي العشق  ماتفرقش  من غير العشق متعرفش، طعم السعادة من المر، ماتقدرش الرزق متفرقش يا قلبي، بين شكل الأيام،  كل ما في الأمر أنا هايم هيام، ولو مارقش ليا مرة العمر،  متفرقش الحياة من الموت، لو الناس بتعيش بالغرام،  طب ليه بنقول بحبك موت،  سايب ع الحب حياتي وأموري،  مولع نوري مستنى أهو أنا دوري، مبفكرش  أبدا من العشق مبزعلش، طب أقولك كده على سر، مبنمش أصلي معرفش هتجيني، أمتى والساعة كام،

أنا لا فاكرك ولا ناسيكي، بلاش تدي لنفسك، قيمة اكبر منك،  وتضحكي الناس عليكي، أنا لا بكرهك ولا بحبك،  مبقتش خلاص شايفك، وبجد بقولك، شوفيلك بر يرسيكي، بلاش تقولي أكيد فاكرني، هيجي لي تاني ويرجعني،  أرجع لمين يا ماما، دي مكنتش إشارة ولا علامة،  دي كانت حادثة والمفروض بالمناسبة تيجي، أنا كده هنا وفي قلبي تعزيني، مات وحزنتيني  عليه ياما ياما،  مين قالك لسه بتوحشيني، انا لو رديت ممكن تحبسيني، واحشه مين يا ستي، سيبيني بقى في مصيبتي، دي كانت حادثة والمفروض بالمناسبة تحمدي، ربنا ومن هنا وهنا تبوسيني،  علشان موتيني  ومخدتش حق موتي،

سألت نفسي والاسئلة كلها نكد في نكد، مين حبني واستنى وقعد، مين كان في ضهري سند،  ملقتش غير نفسي  والباقي يا حسد يا حقد، وكأني عبيط وسط المحيط، لا كان عنده مركب في يوم، ولا بيعرف يعوم، ضحكت عليه الحيتان والقراميط،  وكأني عبيط وسط المحيط، ايه جابني هنا فين الطريق، أنا مش بطريق، ولا حتى كنت إنسان حويط، استحليت حبسي، جوايا ولا كبريائي معاه عند، الشغف للحياة خلاص اتفقد،  اشتغل اتجوز اخلف ولد،  إزاي وأنا بنفسي  معرفتش أربي غير عقد، 

واحد هلفوت  عدى الشارع قدامي وقعد ع البحر، بيكلمه في سكوت وكأن بينهم سر،  وأنا مش فضولي  بس أنا مستني لسه مجاش دوري والدنيا حر، ركزت معاه لقيته بيحكي له عن قصر،  هو بيتمناه عشان حب مكبوت جواه، عدى الوقت مر واتحول كلامه لمر،  صرخ بعلو الصوت أنا ليه مش حر، وتملي كده بطولي، وحيد في الوجود والبحر ولا عنده ردود، وافتكر أخينا انه مجرد هلفوت مجنون يا بلدينا ولا حكايتك إيه، بتحكي للبحر نفسك في قصر يتبني ع البر، ومستني رد ده بجد طب لو رد، إبقى قولي قالك إيه، واحد هلفوت  عدى الشارع قدامي وقعد لوحده، هو نفس الهلفوت والحكاية عنده،  خدني الفضول المرادي، وبيعدي دوري وكله ماشي عادي يلا اللي بعده،  وتركيزي عليه اخينا ده مين بيسانده،  طب ليه هو مش مبسوط وليه، مش على بعضه وكأن حد مده، لقتني فجأة بفوت ودخلت في أرضه،  كانت المرايات قصادي، قدامها مخضوض شايفني فيها موجود،  وضحكت أتاريني أنا كنت الهلفوت مجنون يا اخينا زيك أكيد، مش لوحدينا كتير وادينا بنكلم نفسينا، هترد على مين ولا مين كلنا مجانين، والبحر هو صاحبنا الوحيد،