طوف طوف  طوف طوف  يا طير الحب مادام موجود،  من ايه انت مكسوف،  طوف طوف  السحاب مكشوف  والسما مفتوحة ملهاش حدود، يبقى ليه بس الخوف، طوف طوف واعمل معروف، افرد جناحك وسيب الشجر، افرض كده الخوف والضجر، فينا احنا البشر، لكن انت طير،  بتوصل للقمر، و ده أمر معروف، واخرنا نشوف، ونحكي عنه للضيوف طوف و رفرف انت هتتصرف، أيامنا محتاجه لحب وشوق، قدامنا الحل انت يا ذوق،  طير بقى لفوق، وعدي على شباكنا، أشرب و دوق، ولوحدك هتعرف، تفرق وتصنف، القلوب اللي تشرف

ممكن  دي كلمة بسيطه من أربع حروف،  وراها كل حاجة واردة وأي ظروف، كلمة باردة واللي بتتمناه النهاردة، ممكن يحصل و ممكن تفضل تستناه، وترضى بخلينا نشوف طب مين فينا مرة بياخد نفس  وضامن تاني يخرجه  والحلم اللي مالينا حابسينه بقفص  و على حياتنا بنفرجه ممكن  فيه حياة واقفة على اللي بعدها،  ممكن تكمل وممكن تفضل عندها، ملهاش معنى خليك صريح معنا،  ممكن أيوة وممكن لأ ممكن توضيح، احنا مش قدها 

قلبي سهر  في الليالي والسهر مكنش بمزاجي، صاحبني القمر وبيحلالي السمر كده ويا عذابي، اختارني السهر  نهى الصبح و أمر قال مش هاجي، وانتي يا حبيبتي الجميلة، قايمه نايمه متطمنة، بيبان قلبك متبطنة، ولا داريه باللي بيحصل وبالقلوب القتيلة  بنت الناس الأصيلة، قدام قلبها مدافع، تضرب هجوم وتدافع،  الوصول ليها مهمة شبه مستحيلة العشق حرام  ولا حلالي أوام بقى قولي ردك، ما لو الكلام عندك غالي أيام العمر في عرضك، قلبك يا سلام  إزاي خالي وتمام وأنا مش عاجبك،

كام واحد علينا عدوا، قالوا وبكلامهم يفتوا، ويفتوا  دول شويا حزن وهيعدوا، بيهونوا علينا ولا بيهونوا من اللي فينا، ليه خوفتوا بعد ما بقينا أخبار حزينة، وغمضنا عينينا ومشاعرنا اتقتلوا محستوش  إزاي وقلبكم عندكم ساكن  يظهر كده مش في محله  مسمعتوش  الناي وهو بيعزف لحن ولكن  الفرح مش قادر يوصله  يا مبصرين البصر ايه حصله  مشوفتوش  مرة بعينكم لوننا الداكن كنا مش محتاجين كتير، غير واحد في ميلنا، يسندنا، يسكت لو مقلش خير،

لو عندك ماضي، تعبك ع الفاضي، تعالى لي وانت هادي،  عندي اللي مش عادي، أمسحه ليك بأستيكة لو دوقت المر، كده طول العمر، جرب عليا تمر،  وانت تدوق المرادي، قلب حلو زي الكيكة جرب لو تحب، قرب تتحب، تحلو الدنيا وكل ثانية، ترقص رقصة ع المزيكا لو راسك ناشفة، و على كده قافشه، عد من واحد لعشرة،  أنا يا حبيبي مستشفى، هخليك تتغير سيكة 

لو انت تعبان من غيابنا، و ياعيني بقيت في محنة،  افتكر زمان وقت عتابنا،  وكام مرة عفينا وسامحنا، وانت مصمم على عذابنا،  و بتقول أنا و بقول أحنا، كل واحد يشوف حياته، ويدفع تمن اختيارته،  و يحاسب على أفعاله،  ما هي اللي باقيه له، لو انت جاي تفتح كلام، علشانك ده مش كويس، هيفتح القديم لسنين قدام، ومش تهديد لأ هنفذ، فا أهدى كده وقول سلام، خلى الواحد يعرف يتنفس،

إفتكر ربك كريم، كريم كريم،  يغير نار القديم، بجنة ونعيم، السما بترجع صافية، من بعد الغيم  حاسس بملل و زهق، تقوم تدور ع الونس، تقع في حد غلس، تعيش معاه قلق، و تحس العمر خلص، ولا مرة السعي فرق، تفقد الأمل وتبطل، تتعب نفسك ع الفاضي، وتقول أنا راضي، فجأة الدنيا تمطر، وتهاديك قلب المرادي، يخلي اللي جاي مسكر، 

طب قولي إزاي  انت عادي جاي  وبجد عامل حساب، مكانك زي ما اتساب، وفي القديم بتنكش، طب هقولك حاجة انت منتهى السذاجة سمعت نفس الكلام، في كتير من الأفلام، وقلبي قال فركش، لو هنتقابل تاني، انسى حبيبك القديم،  بقيت لئيم، ما أنا منك اتعلمتها، بطلت التهتها، ومش هتسلم من لساني، وكلام عمرك منه مسمعتش لو كنت غاوي، تقل من كرامتك، ارجع براحتك، واخلص اللي فات، البريء مات، ودلوقتي بقيت حاوي، تعالى جرب لو مخفتش 

لهواة الحالات النادرة، فاتح مزاد النهاردة، على قلب جديد لانج،  بقليله تملي يرضى،  قلب مرفوع من الخدمة أديله كده فترة، بس ممنوع الفصال من الناس الشاطرة، قلب عايز يعيش، مبيخبيش  ولا بيقسى قدام الشاريين فرصة  يا ترى فيه حنينين لسه  ولا خلاص مفيش  قلب بأحاسيس كاملة، ما الناس مش فاهمة، اديني بتكلم بطريقتهم،  وكلامي هنا للعامة، قلب بيعشق اللمة والمشاعر عنده مهمة، ومنها بيفرق و يوزع مين يسمعنا كلمة،

أنا قلبي مفيش حد حبه، ده بعد البعاد والغياب وكل واحد ساب، طب مين هيستنى يفهم كده الأسباب، ما كله تملي محصل بعضه، الوحدة الوحيدة هي اللي حبتني،  لما كنت طيب أو العكس، مفرقش مع الناس بالعكس، ده قبل غروب الشمس، مسحتني نسيتني، ولا اتكسفوا يخبوا، ياما طيبت وطبطبت على الكتير، وكنت مخلص لأبعد حد،  ووقت لما احتاج بجد،  ابعت ابعت محدش رد، تتبخر و تطير، عندهم قلبي وسيرته،