غنيوة لهواة الحالات النادرة

لهواة الحالات النادرة،
فاتح مزاد النهاردة، على قلب جديد لانج، 
بقليله تملي يرضى، 
قلب مرفوع من الخدمة أديله كده فترة،
بس ممنوع الفصال من الناس الشاطرة،

قلب عايز يعيش، مبيخبيش 
ولا بيقسى قدام الشاريين فرصة 
يا ترى فيه حنينين لسه 
ولا خلاص مفيش 

قلب بأحاسيس كاملة،
ما الناس مش فاهمة، اديني بتكلم بطريقتهم، 
وكلامي هنا للعامة،
قلب بيعشق اللمة والمشاعر عنده مهمة،
ومنها بيفرق و يوزع مين يسمعنا كلمة،