معرفناش نكون اتنين احباب،  قولنا بلاش نبقى أغراب، الفراق صعب، واحساس رعب، قولنا يارب، نفضل أصحاب، وبعد اتفاقنا كله غاب كانت روحنا في بعض، ولفين روحنا من بعض، سنين بندور على روحنا، وبعد ماروحنا مفيش رد كله انشغل بناس جداد، وبقينا نتكلم كده بميعاد، نكتب سطر، ونسيب سطر، بينا متر، لكن بعاد، والكلام نفسه هو هو بيتعاد ف الشدة يقولي سلام، ف الوحدة أسيبه وأنام، لا الحب نفع، ولا القرب شفع، والتمن ادفع، وندمنا أوام، اتفاق ف الهوا وأي كلام

مش كدب ومش مجاملة، في القلب هي عامله، حاجات عايزالها روايات  باين الحب ف المعاملة، والود في كل كلمة، واللي فات أكبر إثبات  دي نادرة زي العملة، هي الحقيقة الكاملة، وأصدق واحدة ف البنات بتقول عليا ضهرها، ومصدر قوتها، واني سبب سعادتها، أبوها وأخوها وحبيبها  وهقول ايه دي هي، طعم فرحتي، واللي غيرت دنيتي، وبقت أحلى دنيا وأقل حاجة تتقال، هي الأساس، هي النبض والاحساس، بدلت الحال بحال معنديش كلام تاني، تؤام الروح، والفرح بيها مسموح، وطموحي بيها عداني

وبرغم كل سنين البعد، واخد على نفسي وعد،  أهرب دايماً، من كل سكك عينيكي  وعرفت انك تعبانة بجد، غرقت كل مراكب العند، لما احتاجتيني، رجعت أحن تاني ليكي واتاري كنت فاكر، هيلومني اني مهاجر، و بالحضن كده يبادر، ويقول اشتاق ليا لقيته تعبان ولكن، بقلبه حبيب ساكن، سقاه عذاب وراكن، هو دواه كده عليا وبرغم غربتي انت سببها، عايش وحدتي وأنا حاببها، قولت أنا، مش عايز بعديه حبيب  صعب عليا روحه وعذابها، داويته ودموعي على بابها مهتمش حتى، يشكرني وبعديها يسيب

شوفتها من كام يوم، صدفة ولا على بالي،  نسيت أنا طعم النوم، واتشقلب أوام حالي، قولتلها مش كفاية، قالت كفاية ايه، قلبي اللي جوايا، ع الحب مش عامل حساب خد وقتك وبراحتك، خد وقتك أنا هستنى، ده كتير فايتك، تعالى يا كل الأحباب  خد وقتك وبمزاجك، أعمل حسابك العمر هتتهنى، واقف على بابك، قلبي اللي داب حبيتك أنا وأعمل ايه، ده الموضوع مش بأيديا، طب خدي قلبي وأسأليه، وبراحة عليه شويا، كلمة والتانية اتكسفت، وقالت عايزة أقوم، قولتلها أستني استنت، صعب اللي زيك يتساب 

يا أبو العقد علاجك مش عندي، شوف كده القلب اللي جنبي، مليش أنا في الكلكعة والعكننة جرب حقن وشوف يمكن تنفع، اوعى تسكت على نفسك يابني، وبعد سنة هطمن عليك أنا أنا عايز أعيش وأتبسط،  بخروجة في حتة هادية، او مكان بمزيكا هايصة، أكلة حلوة ويلا رقصة وانت لو فرحت تتحسد، وبصراحة هي مش ناقصة يا أبو العقد فيك أكوام أكوام، ايه ده كله انت سنك كام، وقرب من الهنا يمكن مرة تخف  كله نكد حتى في الأحلام، يا أبو العقد الأسود مش تمام، طب زي أنا أعمل كده بالحرف 

مش مصدق عينيا انتي قدامي، لحم ودم ولا ده حلم،  جميلة زي ما انتي، بس شويا اتغيرتي، عن صورتك اللي سيبتها بأحلامي حبك مغابش عن بالي، ولا لحظة و أكيد ملاحظه  الشوق جوة عيوني مالي  صدفة نتقابل بعد الليالي، بعد حلمنا ده تدبير ربنا عشان احكيلك عن حالي طب فاكره ذكرياتنا وكل أيامي، السفر والسهر نستنى القمر، مبتضحكيش غير ليا، مبتتكلميش غير عليا، وكنتي على صوتي بس تنامي  طب فاكره وفاكره حكايتنا الكتار، لا يمكن ابدا تنسيها فعلاً وشوقنا اللي غلبنا، وفوقنا كل أحلامنا وقتنا مع بعض ليل نهار 

كنت فاكر لما أحب بجد، حبيبتي هتعيش معايا أسعد أيامها وكنت بأكد لكل حد، حبيبتي هحقق ليها كل أحلامها ولما حبيت وأول ماحصل، لقيت العكس هو اللي حصل، لقيتني حد تاني كله عقد، لقيتني حد تاني حابب النكد ولما اتملكت خونت وكدبت، معملتش غير إني جرحت، في أقل من سنة عملت فيها، اللي فيا اتعمل من قبليها وطلع جوايا وحش مخيف، كنت مبين اني حد ضعيف، وعدتها معايا تدوق العسل، بس الوجع هو اللي وصل كنت فاكر لاني جربت الألم، مش ممكن أعمله في غيري  واللي عرفته انه كان قلم، بسرعة كنت عايز ارده لغيري 

أنا اللي في النهاية هكسب، ولو جت النهاية وكنت خسران، تبقى مش دي النهاية، تبقى النهاية بتكدب  أنا صاحب الحكاية وبكتب، لسه يا قلم بالحبر مليان، مش فارق الدنيا معايا، لو مرة عليا تقلب موجوع كل شيء فيا، مسموع صوت الانين جوايا،  بس برضه قادر ولسه هقدر مطفي لون الضي بعينيا، وهيفضل الفرح هو الغاية، هيبقى حاضر ويقولي أمر  ولو اتكترت الأحزان عليا، مش هستسلم ولا أرفع الراية، بالضحكة هبادر وفيها هكتر والله هفرح ده وعد عليا، واعدك أنا بيه يا بحر، هيجيلي يوم وليك أشرح، كل اللي حصل ليا واقف على مسرح الدنيا، حاسس جوايا قوة وسحر، لو هما مسقفوش هسمح، لنفسي تسقف ليا 

عارف كان نفسي أقولك ايه، ربنا يوفقك  وتقابل اللي يقدر يعوضني  وعارف مقدرتش أقولها ليه، أصلي متعوضتش ولا فيه اللي أحسن مني مش غرور ده شيء معروف، يلا روح جرب وشوف، وأبقى قابلني بعد كام أسبوع  واحكيلي من غير كسوف، قولي أخبارك أعمل معروف، وانت هتقولي غير بقى الموضوع  اللي عندي مش عند حد، هتوصي عليا طوب الأرض، وأبقى قابلني لو قولت يا رجوع شايف نهايتك وايه هيحصلك، وهسيبك ياحبيبي  لوحدك انت كده تعرف  خايف عليك وفارق معايا أمرك، والله ابدا انت كبير كفاية أتصرف 

ست البنات عملالي أزمة، لما بتمشي في أي حتة،  الدنيا تولع وتموت ستة، أصل جمالها سايب بصمة ست البنات عليها بسمة، تشوفها البنات عينيها تدمع، وأما تتدلع دلعها يسمع، وفي كلامها عندها لازمة خلاص ياروحي واحدة واحدة، عرفنا محدش عنده الجمال ده، ومنين ما تروحي خفي حبة، خلينا ناخد نفسنا كده ونهدى  خلاص يا جميلة البنات سكت، على نفسها الشبابيك وقفلت، الليلة طويلة ولو ساعتها دقت، تلقى اوام كل الحتة سكتت  عرفنا ياعينيا الحلاوة مش بأيدك، من طابور العرسان مش عارف أجيلك، راعي شويا مشاعر حبيبك، الكل بيتمنى اني ليهم أسيبك