أغنية أول ما حصل

كنت فاكر لما أحب بجد، حبيبتي هتعيش معايا أسعد أيامها
وكنت بأكد لكل حد، حبيبتي هحقق ليها كل أحلامها

ولما حبيت وأول ماحصل،
لقيت العكس هو اللي حصل،
لقيتني حد تاني كله عقد، لقيتني حد تاني حابب النكد
ولما اتملكت خونت وكدبت،
معملتش غير إني جرحت،
في أقل من سنة عملت فيها، اللي فيا اتعمل من قبليها
وطلع جوايا وحش مخيف،
كنت مبين اني حد ضعيف،
وعدتها معايا تدوق العسل، بس الوجع هو اللي وصل

كنت فاكر لاني جربت الألم، مش ممكن أعمله في غيري 
واللي عرفته انه كان قلم، بسرعة كنت عايز ارده لغيري