كلمات غنيوة ليه اتغيرنا | الكاتب مايكل عزمي

انا عايز أرجع احبك 
زي العيل 
بتاع زمان 
وإنتي كمان 
ترجعي وتحبيني 
تاني زي الاول
وانتي بضفاير
و تخافي عليا لما 
جربت سيجارة 
قدامك لأول مرة 
زعقتي لي جامد بطل 
دلوقتي أهو انا مبطل 
بس مش السجاير لأ 
بطلت إني أحب اسمعلك 
دي ما كانتش عوايدنا 

مش هقول ليه اتغيرنا
ده كان طبيعي 
العالم مش ربيعي 
والدنيا مش جنة 
الأيام عادي جدا ترضالنا
أضيع و تضيعي

دي محاولة ومش الأخيرة
فاكرة السيما
ومكان كراسينا
دخلناها هروب 
من ضلمة الحيرة
ومن اهالينا
لضلمة كبيرة 
بس بتسلينا 
أهو يبقى مكتوب 
مكان واحد لينا
حتى صورنا القديمة 
بروزناها على الحيطة
النهاردة لو رحنا مكان 
مبنطلبش من حد يصورنا
كأننا اكتفينا من ذكرياتنا 

واحشني شعور القلقان 
منك وأنا تعبان 
وشعور الغيران 
عليكي من الملزق 
إبن الجيران 
والفستان المحزق 
اللي لبستيه و قصدك 
تخليني اتنرفز 
مع إنه مش ستايلك 
ما أنا حافظك 
معشتش ده غير معاكي 
معشتش أصلا غير معاكي 
دلوقتي بنموت من الروتين 
وجودنا مع بعض مش محفز 
بيحصل معانا ومع غيرنا 

السؤال مش ليه اتغيرنا 
المفروض يبقى إيه يرجعنا 

عزيزي او عزيزتى متنسوش تشتركوا في المدونة عشان يوصلكم كل جديد من مقالات أو أعمال فنية جديدة... كمان نحب تشاركنا رأيك أو نقدك في التعليقات 👇 

📌 ما تيجي تشوف أغاني تانية هتعجبك:

- غنيوة والعدرا و المصحف  

- أغنية ازازة دوا

- غنوة طبعاً حلوين

- أغنية زي الاسفنجة

لمحبي روايات الغموض والقصص القصيرة:

اخترنا لك أفضلها من مدونة قصصي: 

رواية جديدة :

- رواية ماريانا | فانتازيا عربية ملحمية عن الحب والسلطة والحرب

- [قصة الغموض النفسي] - رحلة البحث عن موت هادئ.

- انتظرنا أكثر | قصة قصيرة من مجموعة "لو" القصصية 

- رأى هواءٌ يتذكر | قصة فلسفية قصيرة عن المدن والذاكرة من مجموعة "لو" القصصية 

- [رواية التشويق والإثارة (1:1)] - الحلقة الأولى: البريف

- رواية القبضة GRASP - إثارة نفسية مؤثرة، استلام الإرث والأسرار

© جميع الحقوق محفوظة 2026 – كلمات: مايكل عزمي. يمنع نسخ أو إعادة نشر أو استخدام هذه الكلمات كليًا أو جزئيًا دون إذن كتابي مسبق

التصنيفات:

أغاني، أغنية، كلمات اغنية، كلمات، كلمات اغاني، أغاني رومانسية، كلمات أغاني كاملة، أغاني جديدة، أغنية أصلية، أغنية دراما، أغاني مختلفة، مشاعر حقيقية، مشاعر إنسانية