غنيوة ملك الزمان

حياتي معاكي دي زي ما تكون حلم،
حلمته زمان وبقى دلوقتي علم، أنا في أحلى فيلم،
شوفته زمان مشهد مشهد، 
وأحلامي على كلامي تشهد،
واديني بقيت معاكي وهو ده المهم،

حلمت والحلم كان بالمجان،
جيتي دقيتي على البيبان، 
هليتي والحقيقة أهي بتبان، 
في دقيقة بقيت ملك الزمان،

شوفت فيكي اللي مكنش ابدا سهل،
ألاقيه الأيام دي في صحاب وأهل، بقيتي انتي الحل،
لمشاكل عندي واللي بيجدد، 
عمري وفي أمري بتسند،
عليه دي عينيكي تغنيني عن الكل،