أغنية عنده عقدة

ولا بيرحم ولا بيخلي رحمة ربنا تنزل،
فيا بيظلم كده تملي بالجرح بيغزل،
وفي قلبي بيعلم 
بيحب يشوفني بتألم 
بيحاوطني وعن حبايبي بيبعدني ويعزل،
لحد ما خلاني أسلم

عنده عقدة وأنا في ورطة،
حبيته وكانت أكبر غلطة، 
وازاي اقدر اصححها
ضميره ميت وفيا متبت،
النية بالقسى كان مبيت، 
قصة نفسي أمسحها

لا بيحب ولا بيعرف يتحب ولا حتى بيقدر،
بالغلب هو بيحلف ويبان عادي مش بيغدر،
بس الحقيقة كدب 
غدار وخاين ويتدب 
في عينه رصاص وبعينه ثانية أفكر،
أتحمل وجع القلب