كلمات أغنية كف على كف | الكاتب مايكل عزمي
أغنية
كف على كف
تعالي يا ست وشوشي لي الودع،
دليني على أخره الوجع، قربي خدي في أيدك الكف،
لما شافت ضربت كف على كف،
قالتلي بص انت جدع، بس الوجع يا ولدي مش هيخف،
آه يا حظ جبان ومش تمام،
مصاحب الندل طول الطريق، أصل الأصيل
مش قد المقام
تعالى قرب هفتحلك أنا المنديل،
يمكن أشوف للفرح دليل، قام المنديل قفل البيبان،
والبديل اننا نشوف الفنجان،
بصت وقالت شد الحيل، منبع السعادة نشف وجف
ركزي وحاولي تاني يا أمي،
أكيد هتلاقي فرحة لعمري، يا شاب لا بيدي ولا بأمكاني،
أدلك على مقسوم حد تاني،
قالتلي أصل المشكلة مني، عمر ما النصيب كدب ولف
شالت فنجانها وقفلت منديلها،
ولمت من قدامي كل ودعها، وقامت مشيت من غير حتى،
ماترمي عليا السلام بوداعها،
ناسية جت من أنهي حتة، ماشية بتضرب كف على كف
لو بتحب تقرأ قصص قصيرة وروايات نفسية وجريمة وتشويق
جيبنالك مدونة قصصي Qasasy
عليها اكتر من 20 عمل فني نحب نشوفك هناك 👇
© جميع الحقوق محفوظة 2026 – للكاتب: مايكل عزمي. يمنع نسخ أو إعادة نشر أو استخدام هذه الكلمات كليًا أو جزئيًا دون إذن كتابي مسبق
التصنيفات:
أغاني،
أغنية،
كلمات اغنية،
كلمات،
كلمات اغاني،
أغنية حزينة،
كلمات أغاني كاملة،
أغاني جديدة،
أغنية أصلية،
وجع،
ألم،
فراق،
حزن،
أغنية دراما
الكاتب مايكل عزمي
Lyrics،
Arabic Lyrics
تعليقات
إرسال تعليق