أغنية لسه بنتكلم

أيوة لسه بنتكلم، من فترة لفترة، 
ونطول واحنا بنسلم، لو اتقابلنا صدفة،
لسه بنتعود ونتعلم، محدش يقول حبيبي،
لسه احنا بنتألم، لما بنتعامل طبيعي،

ما اللي كان جوايا وجواه، ميتحكيش 
كنت بتنفس هواه، وهو كان بيا بيعيش 
ده كان ليا قصة معاه، حب كبير
يجي مرة ف الحياة، لناس مش كتير

أيوة لسه بنتكلم، عن بعض كتير،
ناس تيجي ولا تعلم، تاخد يومين بالكتير،
حالنا شكله مطول، وأيوة احنا راضيين،
لا هنرجع زي الأول، ولا هننسى بعدين