غنيوة رابع المستحيلات

استني رايحة فين، هو اللي بنا يومين، 
وعادي هتقدري تنسيهم، ده مش كلام عاقلين 
عارف اني غلطان، وقولتلك أنا ندمان،
شويا زعل عديهم، بحبك أكتر من زمان

أسيبك ايه 
ده من رابع المستحيلات،
البعد انسيه 
هعوضك عن كل اللي فات،
وعارفه ليه 
عشان بحبك انتي بالذات،
وحبك عمل فيا حاجات وحاجات

أنا اللي مات فيكي، أول ما شاف عينيكي،
اتمنى مرة من قلبه، يسلم بس مرة عليكى 
ولما بقيتي ليا، اسيبك تضيعي من ايديا،
أسالي قلبك اللي بحبه، هيقول ده ميهونش عليا