غنيوة دي الحاجة الحلوة

انتي الضي ملكيش زي، كده بين كل البنات،
حاجة مختلفة ومنتيش عارفة، بيقولوا عنك حكايات 
الدنيا تحلو بس لو، مرة قالوا انك جاية،
سبحان من صور عينها تنور، وتحلي كل الحاجات

دي الحاجة الحلوة بنقول عليها الله،
وأنا بشكر ربنا عليكي في كل صلاة،
دي جاية من كوكب تاني يا محلاه،
حليتي دنيتي وخليتي معنى للحياة،

هي النور وسبب السرور، لكل اللي حواليها،
زي الشمس ممنوع اللمس، أو تفكر تقرب ليها، 
عينيها سنارة تديني إشارة، قرب يا أسمك ايه،
وهوب تضحك الدنيا تسلك، ميكفيش كل عليها