غنيوة لو نفوني

انت سر سعادتي وفرحتي، مستكترين عليا يا ناس دنيتي،
تحلو بزيادة أكتر منكم 
حبه أمر محسوم حسم، شايفين خطوته بترسم رسم،
لحياة كالعادة مش شبهكم

عشقك عندي حكاية منتهيه،
وبالنسبة ليا دي أهم قضية،
لو رموني بالتهم، وحاكموني متهم 
هفضل أحبك بنهم،
وأشبع من كلامك تملي ليا
لو غازلوني بكلامهم، وحطوني بآمالهم
هقول بحبك قدامهم،
ولو نفوني من الدنيا ديا

بصحى ألقى مشاعري مرتاحة، وأمد ايدي أخدلي تفاحة،
من شجرك الطارح قدامي 
تكلمني ألقى مزيكا شغالة، بجد من عينيكي حالتي حالة،
بحب أشوفك في منامي 

عشقك عندي حكاية منتهيه،
وبالنسبة ليا ده أغلى قضية،
ولو نفوني بجزيرة، كل شجر الزينة
هيحبك برضه يا زينة،
ابدا مش هكون لوحديا،
راجع ولو بعد أيام، رافض الإستسلام
بيغني معايا الحمام،
أنا علمته يهواكي يا صبية