غنيوة عشق بالاجتهاد

ياللي انتي غايبة من سنين، دوت عليكي في كل عين،
ولا مرة لقيتك.
لو انتي شايفاني ومداريه، عايزه تتأكدي من اللي فيا،
واني بجد حبيتك.
ياروحي أنا روحي دايبة، وانتي فين انتي تملي غايبة،
وانا تملي استنيتك.

العشق قسمة ونصيب،
مفيش عشق بالأجتهاد،
الكل بيدور على حبيب،
بنات كده وولاد،
100 مرة احنا نجرب،
وندخل في قصص جداد،
وبسرعة اوام نهرب،
ده لسه مجاش الميعاد

بدور عليكي في كل مكان، خبطت على كل البيبان،
وايه تاني يتعمل.
بستناكي مع كل نسمة هوا، واقول لكل نجوم السما،
لسه عندي أمل.
تلاقيني في طريقك وتعرفيني، حضني عنوانك وتسكنيني،
وانسى كل الزعل.