انتي زعلانة ليه، مني ولا من إيه،  طب خلاص متزعليش، طب خلاص معلش  كان في أيدي ايه، ومتعملش  كان في أيدي إيه، ومتجبش  عشان انتي متعيطيش، ده المفروض يتقالي أنا، متزعلش الدنيا كلها دي جايه عليا،  والنور ضلمه والسكة مش باينه، قيدت صوابعي العشرة شمع،  مشيت متغمي بالطاعة والسمع، ولا نفعني حتى ببصله، الأذية واصله للركب عالية، الدنيا كلها كانت بتلعب ضدي،  على أرضها وسط جمهورها وأنا وحدي، ولعبت وانا مليش في الكورة،  كسبتني سكور في كل فورة، سجلت هدف بس في مرمايا، على قفايا ياما بتدي،

ياريت ناخد بالنا شويا من كلامنا، أوقات العسل بيسم البدن  ساعات الصراحة تجرحنا، حاجات تخلينا بحالة شجن،  وحاجات بسيطه تفرحنا، دي الكلمة يا تبقى سلاح أو مفتاح،  ممكن نعيش ناس في أفراح،  بشويا مجهود بس لو ركزنا ياما ورينا ناس مر وجراح، منفعش معاهم أصل مخدناش بالنا ياريت ناخد بالنا ومنعملش من بنها، خلينا نركب للكلام فلتر، خلينا نخاف ع اللي بنا، بينا نبدأ بلاش نكتر، فينا الوجع وفي أحبابنا، 

أيوة بحبك  و ده مش موضوع جديد، دي كل الناس أهي شايفه، الغريب واللي كان بعيد، كله عرف، العيون بتعترف،  نبرة الصوت قصادك بتختلف،  طب ليه كده بالتحديد،  انتي الوحيدة اللي مش عارفه  ناقص اخلي العيون قدامك تنور اكتر وتعميكي، ولا تحبي اخلي الإهتمام يتصور سيلفي كده معاكي، ياريت تقولي ع المفيد  ايه الحاجة اللي مش واضحة  مش عارف أعمل إيه ده أنا مبديكي عن حالي، مش انا أمانك و ده كلامك يعني مش خيالي، ولا من تأليفي أكيد ياريت تقولي من ايه خايفه

وافتكرك ليه، بأمارة ايه، عندك ايه غالي تحلف لي عليه،  ليك ايه حلو معايا تتغر بيه، مفيش غير تجاهل وإهمال،  في الاحساس جاهل وعمال، ترسم صورة لنفسك مش حقيقية، عارف لو بالساهل هاين عليا، اخلي صياحك تملي شغال  مفيش غير كدب وجدال،  دخلنا في عناد حرب سجال،  راسم صورة لنفسك إنك استثناء، كنت في الحب منتهى الغباء، غبي جداً في كل الأحوال 

بحلفك باللي بنا، واللي بنا مش شويا، ده كان زي الجنة، إستنى  أوعى أوعى تتسى  بحلفك بكل المحبة، اللي فيك وفيا،  تصبر صبر الاحبة، حبة  حكايتنا فيها لسه شوف وأحسب عدى، على بعادنا أد إيه  وحبيبك لحد النهاردة، ملامحك في عينيه برسمها غيابي بوصف لها عذابي،  بيتكلم معاه قلبي وترد عليه،  البعيد عن العين، قالوها زمان و دلوقتي،  بعيد عن القلب، ويتنسي اوام وقتي،  ومع إنك غيبت معايا فضلت، طلع كلام مينطبقش على حالتي، 

مهما حاول كل واحد، يبقى في حياتي بدالك، يمكن يسد ويغير القدر لسه مكانك ماخدوش حد، محدش قدر  لسه أنا يا أنا بحطت ايدك، لسه بتوحشني ونفسي أجيلك، لسه الشوق بيزيد وهو اللي بيغنيلك، مهما حاولت انسى، واشوف كده حياتي بعدك، وناري تهدى  أسمع بقى  مقدرتش انسى لحظة واحدة، طب ليه كده

حب الناس زي ما يحبوا يتحبوا، كل واحد ليه طريق كده لقلبه، اللي بتجيب له كل الدنيا، يمكن عايز حاجة تانية،  يمكن وردة يمكن كلمة،  يمكن نفسه تفضل بس جنبه، الحب أساليب والقلوب خزن  ميفتحهاش ابدا غير بس مفتاحها،  ده كل حبيب حس و وزن طريقتك معاه بعد ما قالك و وضحها، حب الناس بالطريقة اللي تريحهم، أعملها بأحساس لو عايز تفرحهم، هو عارف إنك بتموت فيه، بس اللي بتعمله مش بيرضيه، شوف هما عايزين منك إيه، وأعمله عشان تقدر تكسبهم،

عايش مبسوط، وبترقص ع الأغاني، واصلي الصوت، لحد عندي في مكاني،  مش فارق اللي بيموت، ولا كأنه عايش بيعاني، كل حاجة متغيره، حتى حالتي محيره، دي مش أزمة صغيره، دي كارثة بكل المعاني لا أنا عارف أرجع لدنيتي تاني، ولا برضه عارف أعيش وحداني، كل حاجة متغيره، حتى حالتي محيره، دي مش أزمة صغيره، دي كارثة بكل المعاني شريط كاسيت،  قلبي أهو قدامي،  الحاجات اتطورت، وهو اترمى مع أيامي، كلها خلاص اتنست، والرف بقى هو مقامي، كل حاجة متغيره، حتى حالتي محيره، دي مش أزمة صغيره، دي كارثة بكل المعاني 

الحب لا يعرف لون ولا مكان ولا دين  الحب  هو الجنون والحنان والحنين  بين اتنين  حبوا بعض ولبعض عايزين  كاتبين اساميهم وعشقوا اوصافهم،  ولمجرد اختلافهم بقوا معيوبين، حبينا ونعمل إيه، حبينا يعني مغلطناش،  احساس ايه اللي انتوا بتحاسبونا عليه،  انتوا سامعين بتقولوا ايه،  طيب شايفين بتتهمونا بإيه، حبينا يا ناس حبينا يعني مكرهناش، الحب  لا يعرف ظنون ولا بلدان ولا دين، الحب  هو اللي يصون و بأمان عايشين  رب العالمين  خلق الناس والناس متساويين  مخلوقين على صورته مية في المية،  يبقى جايبن العنصرية دي منين انسان حب انسان، بتتشاف كده بالظبط، بس العميان اللي قبلهم بالكره مليان،  لازم يكتب على كيفه عنوان،  جاهز الإتهام جاهز العدوان، مين بيشوف غريق ويفضل ع الشط،

ناس مش سالكة بس عاملين ملايكة، وغيرهم بجد طيبين لكن خايفين، فا بيحاولوا يبينوا غير ده، خلاص الكدب على بعض بقى موضة النهاردة  مين اللي حط المر  في برطمان المربى  ده الواحد طول العمر  مش ببلاش بيتربى احساس كله زيف بس الرك ع التغليف،  قابل جايلك مكالمة وبعد المجاملة،  يسأل على مصلحته و يضيف، بكلمك عشان اسأل عليك والمصحف الشريف  مين اللي حط المر  في برطمان المربى  ده الواحد طول العمر  مش ببلاش بيتربى