هيمشي خلاص بجد، ده كلام مستنيه يقوله، من زمان اوي والموضوع، طول وخد وقت  هخلي الناس يدعوا له، يجيوا لقلبي يباركوا له،  ونعمل حفلة أسبوع، من الحد للحد، سبحان الله الناس سمعت،  الخبر لقيتها كلها فرحت، اكتر من فرحتي تليفونات من أصحابي، وكلام من واحدة بتحبني في غيابي، بعتت ولا اتكسفت،  سبحان الله مكنش محبوب من حد  كنت صابر عليه معروف،  مش محبة ولا خوف، قالوا أصبر على اللي مطلع عينيك، يمكن يتعدل ويشيلها جميله ليك،  بس مش بيشوف، خلاص تمام خليه يشوف بقى العند

فيه حاجات لما تروح منك، بتقولها والله بعوده،  وحاجات تانية بعيد عنك،  بتتعذب وهي موجودة، تلقى الدنيا سودة، ولما تسيبك تشم نفسك، تحسه عيدك وفرحك، أيوة على فكرة مقصودة، الكلام ليك انت وعليك،  بقوله قصد يمكن تفهمني مرة مش تلقيح ولا تجريح، في حد دي حقيقتك المره فيه حاجات بتعيش ناسيها،  مع إنها فعلاً غالية، وحاجات تانية روحك فيها،  بتفتكرها انها باقية، بتوديك في داهية،  ولما راسك يرجع ليها، عقلك يلومك عليها، أيوة يحطلها الناهية، 

والله أنا بحبك موت، اسجلهالك شريط طب ياريت، تعلي الكاسيت تعلي الصوت،  أبعتهالك كمان فويس نوت، يبقى طويل تسمعه بليل، وتقولها ورايا وانت مبسوط، الحياة خلاص احلوت أهيه، ده نور حياتي لما جه، لما يا ناس قال إيه، أنا كمان بحبك من غير شروط قلبي ملكك براحتك قسم، نص يحبك ونص يرسم، اللي نفسك فيه وتبصم،  عليه إسمك بكل الخطوط 

كنتوا بتحبوا بعض، جداً جداً جداً كنا واخدينكوا مثل،  اللي عايز يحب بجد،  يقول عايز يبقى زيكوا مثلا واللي بيشتري ورد،  ده كان بيروح معاكم اصلا طب ايه اللي حصل،  خلى ده كله يتهد، دي حاجة تحزن رديت مفيش  الدنيا شروق وغروب، الحياة مواجهة وهروب،  والشوق لو ملقاش اللي يخليه يعيش، هيخلي لقانا بارد و مش مرغوب  رد معرفش  أنا زي زيكم بالظبط، وياما وياما حاولت،  الإهتمام لو مجاش لوحده ومتطلبش، مالوش قيمة وحط تحتها خط 

سلام يا ملاك الجنة مستنياك، سيب بقى الأشرار،  هما براحتهم أحرار، سيبهم كده للنار،  محدش جاي معاك، ده أنا أعرف ناس لو مرة عدت ، قدام حيطة بيضا وعندها وقفت، تلقى الحيطة أوام اسودت، من اللي في قلبهم، طبعاً انت مش منهم،  ولا الكلام عليك ولا على اللي جواك ده أنا أعرف ناس غلطت وحبيتها، عاشرتها سنين والسنين دي سبتها، دول ميتعداش قدام بيتها، وتخاف تسلم عليهم، دي ناس فيهم وفيهم،  اوعى تفهم الكلام مقصود بيه هواك

أنا كنت زمان بحب واحد،  وهو كمان كان بيحبني جامد، ومفيش اغلى مني ابدا ابدا عنده لسه فاكر كان هنا قاعد، وفضل يقول حبنا ده حب خالد، هيعيش طول العمر، صدقت انا وعده ولما فجأة طالت غيبته،  ولما نسي الحب عاتبته،  رد هو وملياه طيبته، معلش مكنتش قاصد، انت عارف و على كلام الحبيبة واخد،  ده الخلود لله وحده، انا كنت زمان انسان متفائل، 

انت ليه ساكت تملي، سكوتك ده كده عاملي، حالة من الحيرة والتوهان  بتحبني طيب ما تقول، مكنتش بتسكت على طول، يا حبيبي أيام زمان  قولها دلوقتي وكمان بعدين، ده محدش ضامن مين قبل مين، بلاش سكات  اتكلم في اي حاجة سمعاك، لو عايزلك شاحن من عيوني معاك،  لحد ١٠٠ وات فاكر لما كنت بتفلرت، عليا ساعتها ايه عملت، عايزاك تاني تعمله  ليه الواحد لما بيوصل،  للي عايزه اللي بيحصل، بينسى ايه اللي وصله 

لسه ساكنه جوايا، و بحسبة الأيام انتي غايبة، شوفي من قد ايه، الحسبة دي متلزمنيش هتصدقي والله انتي عني مغبتيش، كل ما اجي اكتب، الحروف تجمع اسمك،  كل ما اجي اغني، قلبي يعزف لحنك، كل ما اجي انسى، كل الناس تبقى شبهك، لسه بعدك عايش، و بحسبة الأيام اهي جايبة، أيام كتير قد ايه، بس ده كله ميشغلنيش  عايش بس والله بعدك مش بعيش، 

قصة رجوعنا، دي قصة ومقفولة، بيبان مفاتحها مكسورة، دي حكاية مدفونه، ومبقتش أصلا موضوعنا  ولا سعادتنا عليك وقفت، دي الدنيا كلها عرفت، إنك زمان مشيت، وشيلتني من الصورة، أنا مش عايز ابان إني الأقوى، ولا فرحان ابدا كده بضعفك،  بس غصب عني لازم أبقى، انا اخر واحد يقف في صفك،  القصة فينا،  لا انت ولا انا فضلنا، لسه كده على حالنا،  ومتفتكرش اتغيرنا، عشان بعدك حبينا، لسه عايش بس لوحدي، بس مش قادر أعدي، فكرة وفيها ايه،  لو مع بعض كملنا 

مش افترقنا، وعلى حسب ما افتكر ده مكنش طلبي،  بس اتفاقنا، طب ليه قلبتي الدنيا لما حب قلبي، تاني بعد فراقنا،  غيرتي لما لقيت روحي،  و افتكرتي إنك كنتي زمان روحي، طب ممكن تروحي عشان هفهمك غلط، زعلتي إني حبيت بعدك، دلوقتي ليه ما انتي حبيبك جنبك،  ولا كان عندك ليا لسه فيه خطط، مش انتهينا، كانت أيوة قصة حلوة وخلصت ببعاد، في عينينا، بصي وقولي ده كان بالنسبة لك استعباد،  و مستغربة إزاي نسينا